இதுகுறித்து அப்பகுதி மக்கள் கூறியதாவது:

ராமகிருஷ்ணா நகர் குடியிருப்பு பகுதியில், நேற்று முன்தினம் நள்ளிரவு, 12:30 மணிக்கு, மர்ம நபர்கள் மூவர், கோலம் வரைந்து அதில் மனித உருவமிட்டு விளக்கு வைத்து மந்தீரிக பூஜை செய்து கொண்டிருந்தனர். அப்போது எங்கள் பகுதியை சேர்ந்த ஒருவர் வெளியே வந்துள்ளார். இவரை பார்த்ததும், மந்திரீக பூஜை செய்து கொண்டிருந்த, மூன்று பேரும் தப்பி ஓடினர். இதையறிந்த குடியிருப்பு மக்கள் சம்பவ இடத்தில் திரண்டு பார்த்தபோது அதிர்ச்சிக்குள்ளானோம். இதுகுறித்து, பள்ளிப்பாளையம் போலீசாருக்கு தகவல் தெரிவித்தோம். போலீசார் சம்பவ இடத்தில் பார்வையிட்டு விசாரணை நடத்தினர். எதற்காக இந்த பூஜை நடத்தினர் என்பது தெரியவில்லை.

இவ்வாறு அவர்கள் கூறினர்.