தேர்தல் நேரத்தில் பொதுமக்கள் எவ்வித அச்சமும் இன்றி தங்களது ஓட்டை பதிவு செய்ய வேண்டும் என்பதையும், அவர்களுக்கு தேவையான முழு பாதுகாப்பை உறுதி செய்யவும் இந்த ஊர்வலம் நடத்தப்பட்டது. ஓட்டுச்சாவடிகளில் போதுமான பாதுகாப்பு பலப்படுத்தப்பட்டுள்ளதை மக்களுக்கு உணர்த்தும் வகையில் இந்த அணிவகுப்பு அமைந்தது.

ஊர்வலத்தின் போது பொதுமக்களுக்கு தேர்தல் விழிப்புணர்வு குறித்த துண்டு பிரசுரங்கள் வழங்கப்பட்டன. இதில், ராசிபுரம் இன்ஸ்பெக்டர் மற்றும் போலீசார் பலர் கலந்து கொண்டனர். நகரின் முக்கிய வீதி வழியாகச் சென்ற இந்த ஊர்வலம், மீண்டும் பழைய பஸ் ஸ்டாண்ட் பகுதியில் நிறைவடைந்தது.