குமாரபாளையம், குமாரபாளையம், எம்.ஜி.ஆர்., நகரை சேர்ந்தவர் முருகன், 47; ஜவுளி தொழிலாளி. இவர், நேற்று முன்தினம் இரவு, பள்ளிப்பாளையம் சாலை, ராகவேந்திரா கல்லுாரி எதிரே நடந்து சாலையை கடக்க முயன்றார். அப்போது, அந்த வழியாக வந்த, 'பஜாஜ் பல்சர்' டூவீலர், முருகன் மீது மோதியது. இதில் பலத்த காயமடைந்த முருகனை மீட்டு, குமாரபாளையம் அரசு மருத்துவமனைக்கு கொண்டுசென்றனர். ஆனால், செல்லும் வழியிலேயே முருகன் இறந்துவிட்டார்.