இது சம்பந்தமாக, கடந்த, 4ல் குமாரபாளையம் தாசில்தார் அலுவலகத்தில், தொழிலாளர் நல ஆணையர் செம்பகராமன் முன்னிலையில், விசைத்தறி ஜவுளி உற்பத்தியாளர்கள், கூலிக்கு நெசவு செய்யும் விசைத்தறி உரிமையாளர்கள், விசைத்தறி தொழிலாளர் சங்கத்தினர் ஆகியோரிடையே முத்தரப்பு பேச்சுவார்த்தை நடந்தது. இதில் உடன்பாடு ஏற்படவில்லை. இதை கண்டித்து, நேற்று ஜனநாயக விசைத்தறி தொழிலாளர் சங்கத்தினர் பெருமளவில் பங்கேற்று, 20 சதவீதம் போனஸ் வழங்க வலியுறுத்தி, தாசில்தார் அலுவலகம் முன் கண்டன கோஷம் எழுப்பினர்.