நாமக்கல் - மோகனுார் சாலையில் செயல்படும் மாவட்ட வேலைவாய்ப்பு மற்றும் தொழில்நெறி வழிகாட்டும் மைய வளாகத்தில், தனியார் துறை வேலைவாய்ப்பு முகாம் நடந்தது. மாவட்ட வேலைவாய்பு அலுவலர் ஷீலா தலைமை வகித்தார்.

இதில், தனியார் துறை நிறுவனங்களும், -தனியார் துறையில் பணிபுரிய விருப்பம் உள்ள மனுதாரர்களும் நேரடியாக சந்திக்கும் வாய்ப்பு ஏற்பட்டது. நாமக்கல் மாவட்டத்தின் பல்வேறு பகுதிகளில் இருந்து, 18 தனியார் நிறுவனங்கள் பங்கேற்றன. இதில், 106 பட்டதாரிகள் பங்கேற்றனர். அதில், 39 பேர் தேர்வு செய்யப்பட்டு, அவர்களுக்கு பணிநியமனை ஆணை வழங்கப்பட்டது.