பள்ளிப்பாளையம் : பள்ளிப்பாளையம் பஸ் ஸ்டாண்ட் பகுதியில் இருந்து, ஆலாம்பாளையம் செல்லும் பிரதான வழித்தடத்தில் இருந்து ஆர்.எஸ்., சாலை பிரிகிறது. இந்த ஆர்.எஸ்., சாலை வழியாக காவிரி, கொக்கராயன்பேட்டை, மொளசி, தாஜ்நகர், சோழசிராமணி, எஸ்.பி.பி., காலனி உள்ளிட்ட பகுதிக்கு செல்லலாம். மேலும், பிரசித்தி பெற்ற கண்ணனுார் மாரியம்மன் கோவில், இந்த சாலையில் தான் அமைந்துள்ளது. இந்த ஆர்.எஸ்., சாலை துவங்கும் இடத்தில், நெடுஞ்சாலை சார்பில் வடிகால் அமைக்க, நேற்று பள்ளம் தோண்டப்பட்டது. மாற்று ஏற்பாடு எதுவும் செய்யாமல், சாலையில் பள்ளம் தோண்டப்பட்டதால், நேற்று முதல் ஆர்.எஸ்., வழியாக எந்த வாகனங்களும் செல்ல முடியவில்லை.