நாமக்கல் மாவட்ட தி.மு.க., செயலர் மூர்த்தி நேற்று நேரில் வந்து, வெள்ளம் பாதித்த பகுதிகளை பார்வையிட்டு, முகாம்களில் தங்க வைக்கப்பட்டுள்ள மக்களிடம் குறைகளை கேட்டறிந்தார். பின், மக்களுக்கு உணவு வழங்கப்பட்டது. குமாரபாளையம் நகராட்சி தலைவர் விஜய்கண்ணன், தாசில்தார் சிவக்குமார், தெற்கு நகர பொறுப்பாளர் ஞானசேகரன், முன்னாள் நகர செயலர் செல்வம் மற்றும் பலர் உடனிருந்தனர்.

* குமாரபாளையம் எம்.எல்.ஏ.,வும், முன்னாள் அமைச்சருமான தங்கமணி வெள்ளம் பாதித்த பகுதிகளை பார்வையிட்டார். பின், முகாம்களில் தங்க வைக்கப்பட்டுள்ள பொதுமக்களிடம் குறைகளை கேட்டறிந்தார். உரிய நடவடிக்கை எடுப்பதாக கூறினார்.

மேலும் வெள்ள பாதிப்புக்காக மேற்கொள்ளப்பட்டுள்ள முன்னெச்சரிக்கை நடவடிக்கைகள் குறித்து அதிகாரிகளிடம் கேட்டறிந்தார். ஆய்வின் போது வருவாய் துறையினர், கட்சி நிர்வாகிகள் உடன் இருந்தனர்.