ராசிபுரம்: ராசிபுரம்-சேலம் சாலையில், ராசிபுரம் ஏரி அமைந்துள்ளது. 85 ஏக்கர் பரப்பளவு கொண்ட இந்த ஏரிக்கு, போதமலையின் ஒரு பகுதியிலிருந்து மழைநீர் வருகிறது. இந்த ஏரி நிரம்பி வெளியேறும் போது, ஏரியின் ஒரு பகுதியில் உள்ள ராஜவாய்க்கால் மூலமாக ராசிபுரம் நகராட்சிக்குள் சென்று அணைப்பாளையம் ஏரியை சென்றடைகிறது. ஏரியில், ரயில்வே மேம்பாலம், தனியார் ஆக்கிரமிப்பு என, மிகவும் சுருங்கிவிட்டது. ஏரி மட்டுமின்றி ஏரிக்கு வரும் வாய்க்கால், ஓடை ஆகியவை ஆக்கிரமிக்கப்பட்டதால் மழைநீர் வருவது மிகவும் குறைந்துவிட்டது. தொடர்ந்து கனமழை பெய்தால் மட்டுமே ஏரியில் குறைவாக தண்ணீர் தேங்குகிறது.