இது நாளுக்கு நாள் அதிகரித்து வருகிறது.அதனால், ஆற்றில் குளிக்கவும், துணிமணிகளை துவைக்கவும் வழியின்றி, பொதுமக்கள் சிரமத்துக்குள்ளாகின்றனர். அதேபோல், மீனவர்களும் பரிசலில் சென்று மீன் பிடிக்க வழியின்றி தவித்து வருகின்றனர். இந்நிலையில், வரும் ஆடி, 18 அன்று ஆடிப்பெ-ருக்கு விழா கொண்டாடப்படுகிறது. அப்போது, உள்ளூர், வெளி-யூரில் இருந்து ஏராளமான பக்தர்கள் ஆற்றில் புனித நீராட வருவர். ஆனால், ஆற்றில் ஆகாயத்தாரை படர்ந்துள்ளதால், புனித நீராட முடியாத சூழ்நிலை ஏற்பட்டுள்ளது. மேலும், நீராடும் போது காலில் ஆகாயத்தாமரை வேர்கள் மாட்டி அசம்பா-விதம் ஏற்படும் வாய்ப்புள்ளது. எனவே, பொதுமக்களின் பாதுகாப்பு கருதி, காவிரி ஆற்றில் படர்ந்துள்ள ஆகாயத்தாமரை செடிகளை முழுமையாக அகற்ற நீர்வளத்துறை அதிகாரிகள் நடவடிக்கை எடுக்க வேண்டும் என, கோரிக்கை எழுந்துள்ளது.