தமிழ்நாடு உடற்கல்வி ஆசிரியர் மற்றும் உடற்கல்வி இயக்குனர் சங்க மாநில செயற்குழு கூட்டம், நாமக்கல்லில் நடந்தது. மாநில தலைவர் தேவிசெல்வம் தலைமை வகித்தார். மாவட்ட செய-லாளர் சசிகுமார் வரவேற்றார். மாநில பொருளாளர் தமிழ்-செல்வன், மாவட்ட தலைவர் பெரியசாமி ஆகியோர் முன்னிலை வகித்தனர். தொடர்ந்து, மாநில பொதுச்செயலாளர் பெரியதுரை நிருபர்களிடம் கூறியதாவது:

தமிழக அரசு, உடற்கல்விக்கான பாடபுத்தகங்களை, துணை முதல்வர் வெளியிட்டார். அந்த புத்தகங்களை இலவசமாக அனைத்து மாணவர்களுக்கும் வழங்க வேண்டும். மேலும், தமிழ-கத்தில், 37,000 அரசு பள்ளிகளில், 6,520 உடற்கல்வி ஆசிரி-யர்கள் பணியிடம் மட்டுமே உள்ளது. 31,000 பள்ளிகளில் உடற்-கல்வி ஆசிரியர்கள் பணியிடங்களே இல்லை. அதேபோல், உயர்-நிலை, மேல்நிலை பள்ளிகளில், 2,000 உடற்கல்வி ஆசிரியர்கள் பணியிடமில்லை.

தமிழக முதல்வர், நடப்பு கல்வியாண்டில், அனைத்து பள்ளிக-ளுக்கும் உடற்கல்வி ஆசிரியர்களை நியமிக்க வேண்டும். தமிழ-கத்தில், மூன்றாண்டுகளாக, உடற்கல்வி ஆசிரியர்கள் நியமிக்க-வில்லை. 1998ல் நியமனம் பெற்ற உடற்கல்வி ஆசிரியர்களுக்கு மட்டுமே பதவி உயர்வு வழங்கப்படுகிறது.

தமிழகத்தில் உள்ள, 22,000 தொடக்கப்பள்ளியில், ஒரு உடற்-கல்வி ஆசிரியர்கள் கூட கிடையாது. மேலும், 9,000 நடுநிலைப்-பள்ளிகளில், 40 உடற்கல்வி ஆசிரியர்கள் மட்டுமே இருக்கின்-றனர்.

உயர்நிலைப்பள்ளி, மேல்நிலை பள்ளியில், 7,000 பள்ளிகளில், 6,500 ஆசிரியர்கள் மட்டுமே உள்ளனர். ஆசிரியர்கள் இல்லாத பள்ளிகளில், மாணவர்கள் விளையாடுவதே இல்லை. மாண-வர்கள் விளையாடாததால், பல்வேறு தீய பழக்கத்திற்கு ஆளா-கின்றனர்.

இவ்வாறு அவர் கூறினார்.

மாநில செயல் தலைவர் சீனிவாசன், தலைமையிட செயலாளர் சுரேஷ், மாநில அமைப்பு தலைவர் அப்பாதுரை, மாநில, மாவட்ட நிர்வாகிகள், உறுப்பினர்கள் உள்பட பலர் பங்கேற்றனர்.