ராசிபுரம்: ராசிபுரம் அடுத்த பேளுக்குறிச்சியில், பெரிய மாரியம்மன் கோவில் உள்ளது. இக்கோவில் எதிரே, 40 ஆண்டுகளுக்கு முன் கட்டப்பட்ட மேல்நிலை நீர்த்தேக்க தொட்டி உள்ளது. அப்பகுதியை சேர்ந்தவர்கள் பயன்படுத்தி வந்தனர். தற்போது, அந்த தொட்டி சேதமடைந்ததால், புதிய தொட்டி கட்டித்தர பொதுமக்கள் கோரிக்கை வைத்தனர். இதையடுத்து, நபார்டு வங்கி உதவியுடன், 38 லட்சம் ரூபாய் மதிப்பில், 1 லட்சம் லிட்டர் கொள்ளளவில் மேல்நிலை தொட்டி அமைக்க திட்டமிடப்பட்டது. இதற்கான நிலம் அளவீடு செய்யப்பட்டது. இதற்கு ஒரு தரப்பினர் எதிர்ப்பு தெரிவித்தனர். ஏற்கனவே உள்ள நீர் தொட்டியை அகற்றிவிட்டு, அதே இடத்தில் தான் மேல்நிலை நீர்த்தேக்க தொட்டி கட்ட வேண்டும். வேறு இடத்தில் கட்டக் கூடாது என, எதிர்ப்பு தெரிவித்தனர்.