நாமக்கல் மாவட்ட தொடர்பு அலுவலர் ராஜேஸ்கண்ணன் முன்னிலை வகித்தார். நாமக்கல் (தெற்கு) வட்டார போக்குவரத்து அலுவலர் முருகேசன் சிறப்பு அழைப்பாளராக பங்கேற்று பேசியதாவது: விலைமதிக்க முடியாதது மனித உயிர். தினமும் மாவட்டத்தில் ஏதாவது ஒரு இடத்தில் சாலை விபத்து நடந்து கொண்டு தான் இருக்கிறது. வாகனத்தை மிக வேகமாக இயக்குதல்; சாலை விதிகளை மதிக்காமல் இருத்தல்; தலைக்கவசம் அணியாமல் வாகனம் இயக்குவது; மொபைல் போன் பேசிக்கொண்டே வாகனத்தை ஓட்டுவது போன்றவையே சாலை விபத்திற்கு முக்கிய காரணங்களாக அமைகின்றன. சாலை விதிகளை கடைப்பிடித்தால், விபத்துகளை பெரும்பாலும் தவிர்க்கலாம்.

இவ்வாறு அவர் பேசினார்.

தொடர்ந்து, சாலை பாதுகாப்பு பயிற்சியாளர் மதுரை நரசிம்மமணி, சாலை விபத்துகள் எவ்வாறு நடக்கிறது; சாலை குறியீடுகளின் நோக்கம், சாலை பாதுகாப்பு வாசகங்கள் குறித்து வீடியோ மூலம் விளக்கினார். ஒருங்கிணைப்பாளர்கள் தேவி, கோகிலா, கலைவாணி, ஹேமலதா, மாணவியர் உள்பட பலர் பங்கேற்றனர்.