வெண்ணந்துார்,வெண்ணந்துார் யூனியன், மின்னக்கல் பஞ்., பகுதிக்கு, ராசிபுரம்-ஆட்டையாம்பட்டி நெடுஞ்சாலையில் உள்ள நாச்சிப்பட்டி பிரிவு பகுதியில் இருந்து மதுக்கண் காடு, கோழிக்காடு, ஆண்டிக்காடு பகுதிக்கு செல்லும் சாலையை, 50 ஆண்டுக்கும் மேலாக பொதுமக்கள் பயன்படுத்தி வந்துள்ளனர். ஆனால், அந்த சாலை தனிநபர் பட்டா நிலம் எனக்கூறப்படுகிறது. அந்த சாலையில், வாகனங்கள் சென்றுவர முடியாதபடி குழி தோண்டி வைத்துள்ளதாக, அப்பகுதியை சேர்ந்த, 200க்கும் மேற்பட்டோர், ராசிபுரம்-ஆட்டையாம்பட்டி நெடுஞ்சாலை, நாச்சிப்பட்டி பிரிவு சாலையில் அமர்ந்து மறியலில் ஈடுபட்டனர்.