நாமக்கல், நாமக்கல்-ராமாபுரம்புதுார் சாலை, குட்டைமேல தெருவில் உள்ள சித்தி விநாயகர் கோவில் கும்பாபிஷேக விழா, நேற்று கோலாகலமாக நடந்தது. விழாவையொட்டி, நேற்று முன்தினம் விநாயகர் பூஜை நடந்தது. தொடர்ந்து, மோகனுார் காவிரி ஆற்றில் இருந்து பக்தர்கள் புனிதநீர் எடுத்து வந்தனர். அதன்பின், முதற்கால யாக பூஜை, கோபுர கலசம் வைத்தல், சுவாமி பிரதிஷ்டை செய்யப்பட்டு கண் திறப்பு நிகழ்ச்சி நடந்தது.