இந்நிலையில், மத்திய அரசு, கடந்த செப்., 2ல், குடிவரவு மற்றும் வெளிநாட்டவர் சட்டத்தின் கீழ், தண்டனையிலிருந்து விலக்கு அளித்து, அரசாணை வெளியிட்டது. இதையடுத்து, நாமக்கல் மாவட்டத்தை சேர்ந்த இலங்கை தமிழர் முகாமில் வசிப்போர், பிரதமர் மோடிக்கு நன்றி தெரிவித்து, நாமக்கல் தலைமை அஞ்சல் அலுவலகத்தில் இருந்து, 370 கடிதங்களை அனுப்பினர்.

இதுகுறித்து, பரமத்தி இலங்கை தமிழர் முகாமை சேர்ந்த வினோதன் கூறியதாவது:கடந்த, 1954- முதல், 2015 ஜன., 9-க்கு முன், இலங்கையில் இருந்து ஏராளமானோர் அகதிகளாக தமிழகம் வந்தனர். அவர்கள், 103 முகாம்களில் தாங்கி உள்ளனர். நாமக்கல் மாவட்டத்தில் மட்டும், 2,500 பேர் வசிக்கின்றனர். மத்திய அரசு, கடந்த செப்.,ல் வெளியிட்ட அரசாணையில், 'இலங்கையில் இருந்து, 2015க்கு முன் திரும்பி வந்து முறையாக இந்திய அரசிடம் பதிவு செய்து வசித்து வருபவர்களுக்கு, குடிவரவு மற்றும் வெளிநாட்டவர் சட்டத்தின் கீழ், தண்டனையிலிருந்து விலக்கு அளிக்கிறோம்' என்பதை வரவேற்கிறோம். இவ்வாறு அவர் கூறினார்.