குமாரபாளையம், தமிழக அரசு துணி நுால் துறை இயக்குனர் லலிதா தலைமையில், நாமக்கல் மாவட்ட ஜவுளி தொழில் முனைவோருக்கான கலந்தாய்வு கூட்டம் குமாரபாளையம் ஹை-டெக் பார்க்கில் நடந்தது. குமாரபாளையம், பள்ளிப்பாளையம், திருச்செங்கோடு பகுதிகளை சேர்ந்த தொழில் முனைவோர் பங்கேற்றனர். நுால் விலை கட்டுப்பாடு, ஜவுளி தொழிலுக்கு மின்சார மானியம், சோலார் சிஸ்டம் அமைக்க மானியம், உயர் தொழில் நுட்ப இயந்திரங்கள் அமைக்க மூலதன மானியம் உள்ளிட்ட பல்வேறு கோரிக்கைகளை தொழில் முனைவோர் முன் வைத்தனர். மேலும், குமாரபாளையத்தில் சாயநீர் சுத்திகரிப்பு நிலையம் அமைக்க கேட்டுக்கொண்டனர்.