பின், அம்மன் தெப்ப உற்சவம் நடந்தது. நித்திய சுமங்கலி மாரியம்மன் மூலஸ்தானத்தில் மண் சுவர் எழுப்பி, நீர் நிரப்பி சிறப்பு பூஜை நடந்தது. நேற்று, அம்மன் கண் திறப்பு நிகழ்ச்சி நடந்தது. இதில், ஏராளமான பக்தர்கள் வழிபாடு நடத்தினர். தொடர்ந்து, செல்லியாண்டிம்மன் கோவிலில் இருந்து அக்கினி சட்டி ஏந்தியவாறு பக்தர்கள் மேளதாளம் முழங்க நகரை சுற்றி வந்து மாரியம்மன் கோவிலுக்கு சென்று வழிபட்டனர். சிறப்பு அலங்காரத்தில் அம்மன் பக்தர்களுக்கு அருள்பாலித்தார். பொது-மக்களுக்கு அன்னதானம் வழங்கப்பட்டது.