நாமக்கல் மாவட்டம் மோகனுாரை அடுத்த ஆரியூரில் கோவில் கும்பாபிஷேக விழா, நேற்று நடந்தது.

இதற்காக சீரியல் விளக்குகள் பயன்படுத்தியதால், ஓவர் லோடு ஏற்பட்டு, நேற்று முன்தினம் இரவு, 8:00 மணிக்கு எஸ்.வாழ-வந்தி துணை மின் நிலைய டிரான்ஸ்பார்மர் பழுதானது. இதனால் ஆரியூர் மற்றும் சுற்று வட்டாரங்களில் மின் தடை ஏற்-பட்டது. மின் ஊழியர்கள் புதிய டிரான்ஸ்பார்மரை அமைக்க, நான்கு மணி நேரத்துக்கு பின், 12:00 மணிக்கு இணைப்பு கிடைத்த நிலையில் அதிகாலை, 5:00 மணிக்கு மீண்டும் மின் தடை ஏற்பட்டது.

இதனால் ஆரியூர், மரக்கடை, மணியங்காளிப்பட்டி, பனமரத்துப்-பட்டி உள்ளிட்ட கிராமங்களில் மின் வினியோகம் பாதித்து மக்கள் அவதிக்கு ஆளாகினர். மின்வாரிய அதிகாரிகள் ஆய்வில், மரக்கடை பகுதியில் ஹெச்.டி., மின் கம்பிகள் துண்டிக்கப்பட்-டது தெரிய வந்தது.

மின் வாரிய அலுவலர்கள் முகாமிட்டு சரி செய்யும் பணியில் ஈடு-பட்டனர். ஒரு வழியாக பணி முடிந்து, மதியம், 1:30 மணிக்கு மீண்டும் மின் வினியோகம் கிடைத்தது. மொத்தத்தில், 12 மணி நேரம் மின் தடைபட்டதால் அனைத்து தரப்பினரும் அவதிக்கு ஆளாகினர்.