நாமக்கல் கோட்டை மெயின் சாலையில், உழவர் சந்தை செயல்-பட்டு வருகிறது. இங்கு, தினமும், காலை, 5:00 முதல், 10:00 மணி வரை, நாமக்கல் பகுதியில் உள்ள விவசாயிகள், தங்கள் தோட்டங்களில் விளைந்த காய்கறி, பழங்களை அறுவடை செய்து, நேரடியாக விற்பனை செய்கின்றனர். வழக்கமாக, வார விடுமுறை நாட்களான சனி, ஞாயிற்றுக்கிழமைகளில், அதிக அளவில் பொதுமக்கள் உழவர் சந்தைக்கு வந்து, தங்களுக்கு தேவையான காய்கறி, பழங்களை வாங்கி செல்வது வழக்கம்.நேற்று, கார்த்திகை மாதம் ஐயப்பன் சீசன் மற்றும் முகூர்த்த நாளையொட்டி, வழக்கத்தை விட உழவர் சந்தையில் விறுவிறுப்-பாக வியாபாரம் நடந்தது. மொத்தம், 151 விவசாயிகள், உழவர் சந்தைக்கு காய்கறிகளை விற்பனைக்கு கொண்டு வந்திருந்தனர்.

காய்கறிகள், 37,130 கிலோ, பழங்கள், 11,175 கிலோ, பூக்கள், 25 கிலோ பூக்கள் என, மொத்தம், 48,330 கிலோ எடையுள்ள விளைபொருட்கள், உழவர் சந்தைக்கு கொண்டுவரப்பட்டு விற்-பனை செய்யப்பட்டன. அவற்றை, 9,666 பொதுமக்கள் வங்கி சென்றனர். அதன் மூலம், 19 லட்சத்து, 74,035 ரூபாய்க்கு விற்ப-னையானது.

தக்காளி, ஒரு கிலோ, 54 ரூபாய், கத்தரி, 52, வெண்டை, 65, புடலங்காய், 48, பீர்க்கங்காய், 60, பாகற்காய், 64, அவரை, 90, சின்ன வெங்காயம், 42, பெரிய வெங்காயம், 30, தேங்காய், 62 ரூபாய் என்ற விலையில் விற்பனையானது.

ராசிபுரம் உழவர் சந்தை

ராசிபுரம் உழவர் சந்தையில், நேற்று தக்காளி கிலோ, 55 ரூபாய், கத்தரிக்காய், 55, வெண்டை, 48, புடலை, 45, பீர்க்கன், 60, பாகல், 60, சுரைக்காய், 18, பச்சை மிளகாய், 48, முருங்கை, 250, சின்ன வெங்காயம், 52, பெரிய வெங்காயம், 35, முட்-டைகோஸ், 35, கேரட், 70, பீன்ஸ், 60, பீட்ரூட், 50 ரூபாய்க்கு விற்பனை செய்யப்பட்டது. கடந்த வாரம், கத்தரி கிலோ, 60 ரூபாய்க்கு விற்ற நிலையில், நேற்று, 55 ரூபாய்க்கு விற்பனையா-னது. முருங்கை வரத்து மிகவும் குறைவாக இருந்தது. 80 கிலோ மட்டுமே நேற்று விற்பனைக்கு வந்திருந்தது. இதனால், கடந்த வாரம் கிலோ, 230 ரூபாய்க்கு விற்ற முருங்கை நேற்று, 250 ரூபாய்க்கு விற்றது குறிப்பிடத்தக்கது. காய்கறிகள், 24,410 கிலோ, பழங்கள், 9,755 கிலோ, பூக்கள், 380 கிலோ என, மொத்தம், 36,545 கிலோ விற்பனையானது. இதன் மொத்த மதிப்பு, 17.14 லட்சம் ரூபாயாகும்.