பள்ளிப்பாளையம் பஸ் ஸ்டாண்ட் பகுதியில் மேம்பால பணிகள் முழுமையாக முடிக்கப்பட்டுள்ளன. விரைவில் மேம்பாலம் மக்கள் பயன்பாட்டிற்கு வரவுள்ளது. பஸ் ஸ்டாண்ட் பகுதியில் அமைக்கப்பட்டுள்ள மேம்பாலத்தின் கீழே உள்ள இடத்தில் இரண்டு பக்கங்களிலும் பாதுகாப்பு வளையம் அமைக்கப்பட்டுள்-ளது. இதனால் பஸ் ஸ்டாண்ட் பகுதியில் வாகனங்கள் நிறுத்த இடமில்லை. பஸ் ஸ்டாண்ட் பகுதியில் உள்ள கடைகள், பேக்-கரி, ஓட்டல், வர்த்தக நிறுவனங்களுக்கு வருவோர் சாலையில் தான் வாகனங்கள் நிறுத்த வேண்டிய நிலை ஏற்பட்டுள்ளது. அவ்-வாறு சாலையில் வாகனங்கள் நிறுத்தினால் போக்குவரத்துக்கு இடையூறு ஏற்படும். எனவே, மேம்பாலத்தின் கீழே உள்ள இடத்தை வாகனங்கள் நிறுத்துவதற்கு ஒதுக்க வேண்டும் என, வாகன ஓட்டிகளும், பொது மக்களும் கோரிக்கை விடுத்துள்ளனர்.