ராசிபுரம்: ராசிபுரம் ஒன்றியம், குருக்குபுரம் பஞ்.,ல் எல்லப்பாளையம் மகளிர் பால் உற்பத்தியாளர்கள் கூட்டுறவு சங்கம், கடந்த, 10 ஆண்டுகளுக்கு மேலாக செயல்பட்டு வருகிறது. சுற்றுவட்டார பகுதியை சேர்ந்த விவசாயிகள் இங்கு பால் ஊற்றி வருகின்றனர். அப்பகுதியை சேர்ந்த பொதுமக்கள் பலரும் தினந்தோறும் காலை, மாலை இருவேளையும் பால் வாங்கி வருகின்றனர். இந்நிலையில், நேற்று ஒரு குறிப்பிட்ட சமுதாயத்திற்கு மட்டும் பால் ஊற்ற சொசைட்டி நிர்வாகம் மறுத்து வருவதாக கூறி, 50க்கும் மேற்பட்ட பெண்கள் பால் சொசைட்டி முன் முற்றுகை போராட்டத்தில் ஈடுபட்டனர்.