எலச்சிபாளையம்: எலச்சிபாளையம் யூனியன், மணலி ஜேடர்பாளையத்தில், பஞ்., தொடக்கப்பள்ளி உள்ளது. இங்கு, சுற்று வட்டாரத்தை சேர்ந்த, 174 மாணவ, மாணவியர் படித்து வருகின்றனர். இப்பள்ளி தாழ்வான பகுதியில் அமைந்துள்ளதால், இரண்டு மாதங்களுக்கு முன் பெய்த மழையின்போது, பள்ளி வளாகத்திற்குள் மழைநீர் புகுந்தது. மேலும், பள்ளியை சுற்றிலும் கழிவுநீர் தேங்கியது. இதனால், மாணவர்கள் அடிக்கடி வைரஸ் காய்ச்சல் உள்ளிட்ட தொற்று நோய்களால் பாதிக்கப்பட்டனர். தினமும், 40 முதல், 50 மாணவர்கள் நோயால் பாதிக்கப்பட்டு பள்ளிக்கு வரமுடியாத சூழல் உருவானது. இதற்கிடையே, இரண்டு மாதங்களுக்கு முன் கலெக்டர் உமா ஆய்வு செய்து, 'பேவர் பிளாக்' கற்கள் பதிக்க உத்தரவிட்டார். ஆனால், எந்த பணியும் தொடங்கவில்லை.