இதில், நீலகிரியில் உற்பத்தி செய்யப்படும் வெள்ளை பூண்டுக்கு ருசி, மணம் இருப்பதால் தமிழகம் உட்பட பிற மாநிலங்களுக்கு அனுப்பப்படுகிறது. எப்போதும் ஊட்டி பூண்டுக்கு நல்ல விலை கிடைப்பதால் அந்தந்த போகத்திற்கு ஏற்றார் போல் அதிகளவில் பயிரிடுகின்றனர். அறுவடைக்கு பின், ஊட்டி மார்க்கெட், மேட்டுப்பாளையம் மார்க்கெட்டுக்கு விவசாயிகள் விற்பனைக்கு எடுத்து செல்கின்றனர்.

ஊட்டி பூண்டு வரத்து அடியோடு குறைந்ததால் மார்க்கெட்டுக்கு கிலோ கணக்கில் மட்டுமே விவசாயிகள் விற்பனைக்கு கொண்டு வருகின்றனர். இதனால், இமாச்சலம், காஷ்மீர் , சீனா பகுதிகளிலிருந்து ஊட்டி மார்க்கெட்டுக்கு பூண்டு விற்பனைக்கு கொண்டு வரப்பட்டுள்ளது. நேற்றைய நிலவரப்படி, ஊட்டி பூண்டு கிலோவுக்கு , 600 ரூபாய், பிற மாநில பூண்டு கிலோ, 350 ரூபாய்க்கு விற்கப்பட்டு வருகிறது. பூண்டு விலை உச்சம் தொட்டதால் விலையை கேட்கும் பொதுமக்கள் கிராம் கணக்கில் வாங்கி செல்கின்றனர்.

மார்க்கெட் விபாபாரிகள் கூறுகையில், ' முதல் போக சீசன் முடிந்ததால் ஊட்டி பூண்டு வரத்து குறைந்துள்ளது. ஊட்டி மார்க்கெட்டுக்கு விற்பனைக்கு கொண்டுவரப்படும் பிற மாநில பூண்டு வரத்து குறைந்தளவில் வருவதால் விலை உச்சத்தை எட்டியுள்ளது,'' என்றனர்.