அப்போது, லோகேஷ் தமிழ் செல்வன் பேசுகையில்,''ஊட்டிக்கு பிலிம் சிட்டி கொண்டு வருவேன். தொழிற்சாலைகளை கொண்டு வந்து உள்ளூர் மக்களின் வேலை வாய்ப்புக்கு உறுதி செய்வேன். தேயிலை பிரச்னைக்கு தீர்வு கிடைக்கும் வரை தொடர்ந்து, பார்லியில் குரல் கொடுப்பேன். ஊட்டியில் மிகப் பெரிய பிரச்னையாக உருவெடுத்துள்ள போக்குவரத்து நெரிசல் பிரச்னைக்கு தீர்வு காண்பேன்.குறிப்பாக, மேட்டுப்பாளையம் பைபாஸ் சாலைக்கு அ.தி.மு.க., ஆட்சியில் முயற்சிகள் எடுக்கப்பட்டது. அதனை நிறைவு செய்வேன். ஊட்டி நகராட்சி மார்க்கெட் வியாபாரிகள் பிரச்னைகளை தீர்க்க முயற்சி எடுப்பேன். என்னை பெருவாரியான ஓட்டு வித்தியாசத்தில் வெற்றி பெற செய்ய வேண்டும்,'' என்றார்.