சூலுார்;கடந்த, 2018 முதல் பி.எம்., கிசான் எனும் பிரதமரின் கவுரவ நிதி திட்டம் செயல்பாட்டில் உள்ளது. இத்திட்டத்தின் வாயிலாக, ஆண்டு தோறும் விவசாயிகளுக்கு, 6 ஆயிரம் ரூபாய், மூன்று தவணைகளில் வழங்கப்பட்டு வருகிறது. இதில் பதிவு செய்த விவசாயிகளுக்கு, இதுவரை, 17 தவணைகளுக்கான நிதி, விவசாயிகளின் வங்கி கணக்கில் வரவு வைக்கப்பட்டுள்ளது. சுல்தான்பேட்டை வட்டாரத்தில் மட்டும், 6 ஆயிரத்து, 882 விவசாயிகள், பிரதமரின் கவுரவ நிதியால் பயன்பெற்று வருகின்றனர்.