நீலகிரி மாவட்டம், ஊட்டி அருகே வனப்பகுதியில் அமைந்துள்ள, பைக்காரா படகு இல்லத்தில், இயற்கை காட்சிகளை ரசித்தவாறு படகு சவாரி செய்வதில், சுற்றுலாப் பயணியர் அதிக ஆர்வம் காட்டுகின்றனர்.

படகு இல்லம் செல்லும், 2 கி.மீ., சாலையில், குழிகள் ஏற்பட்டு, வாகனங்கள் சென்று வர சிரமமாக இருந்தது.

அதனால், சிறப்பு பகுதி மேம்பாட்டு திட்டத்தில், மூன்று கோடி ரூபாய் நிதி ஒதுக்கப்பட்டு, சாலை சீரமைப்பு பணி நடந்தது.

பணிகள் முழுமையாக நிறைவடைந்த நிலையில், சுற்றுலாத்துறை அமைச்சர் ராமச்சந்திரன், நேற்று முன்தினம் சாலையை திறந்து வைத்தார். கலெக்டர் லட்சுமி பவ்யா உட்பட அரசு அலுவலர்கள் உடன் இருந்தனர்.