கோத்தகிரி கக்குச்சி ஊராட்சிக்கு உட்பட்ட குடிமனை ஸ்ரீ பட்டத்தரசி அம்மன், ஸ்ரீ வெற்றி விநாயகர் மற்றும் கண்ணினமார் அம்மன்கள் கோவில், 50ம் ஆண்டு திருவிழா, கடந்த, 19ம் தேதி கொடியேற்றத்துடன் துவங்கியது.

விழாவை ஒட்டி, 19ம் தேதி, இரவு, 12:00 மணிக்கு, முனியப்பன் பூஜை மற்றும் முனி ஓட்டுதல் நிகழ்ச்சி நடந்தது. 20ம் தேதி காலை, 5:00 மணி முதல், 6:00 மணி வரை அம்மனுக்கு அலங்கார பூஜை, 6:00 மணி முதல், 12:00 மணி வரை அம்மன் அழைத்தல் நிகழ்ச்சியை தொடர்ந்து, அம்மனுக்கு சிறப்பு பூஜை நடந்தது. பிற்பகல், தொடர்ந்து, தாரை தப்பட்டை முழங்க, மாவிளக்கு ஊர்வலம் இடம்பெற்றது. இரவு, 10:00 மணிக்கு, வான வேடிக்கை நிகழ்த்தப்பட்டது.

முக்கிய நிகழ்வாக, 22ம் தேதி, காலை 9:00 மணி முதல், 11:00 மணி வரை, அம்மனுக்கு சிறப்பு பூஜையும், தொடர்ந்து, 5:00 மணி வரை, அம்மன் ஊர்வலம், மஞ்சள் நீராட்டு, மாலையில், அம்மனை கங்கை கரைசேர்த்தல் நிகழ்ச்சி நடந்தது. வரும், 27ம் தேதி மறு பூஜையுடன் விழா நிறைவடைகிறது. விழா ஏற்பாடுகளை, ஊர் தலைவர் தலைமையில் ஊர் பொதுமக்கள் செய்திருந்தனர்.