கோவை மாவட்டம், மேட்டுப்பாளையத்தில் இருந்து, ஊட்டிக்கு தினமும் காலை, 7:10 மணிக்கு புறப்படும் மலை ரயில், குன்னுாருக்கு காலை,10:00 மணிக்கு வந்து சேரும்.

நேற்று காலை மேட்டுப்பாளையத்தில் இருந்து புறப்பட்ட மலை ரயில் ஹில்குரோவ் அருகே வந்த போது, இன்ஜினில் கோளாறு ஏற்பட்டது. ரயில்வே ஊழியர்கள் அதனை சரி செய்த பிறகு, குன்னுாருக்கு தாமதமாக காலை, 11:00 மணிக்கு வந்தது. இதனால், பயணிகள் சோர்வடைந்தனர். தாமதமாக வந்த மலை ரயில் வழக்கம் போல, டீசல் இன்ஜினுக்கு மாற்றப்பட்டு, ஊட்டிக்கு புறப்பட்டு சென்றது.