'இந்திய தேர்தல் ஆணையம், தகுதியான அனைவரும் கண்டிப்பாக ஓட்டளிக்க வேண்டும்,' என, பல்வேறு வகையில் விழிப்புணர்வு ஏற்படுத்தி வருகிறது. அதில் ஒரு கட்டமாக, ஊட்டியில் 'தேர்தல் பருவம் - தேசத்தின் பெருமிதம்' என்ற தலைப்பில், மனித சங்கிலி நடந்தது.

இதில், 350க்கும் மேற்பட்ட பல்வேறு துறை அரசு அலுவலர்கள், மகளிர் சுய உதவி குழுவினர், ஒருங்கிணைந்த குழந்தைகள் வளர்ச்சித் திட்டப் பணியாளர்கள் மற்றும் சமூகநலத்துறை பணியாளர்கள், 'ஓட்டு போடுங்கள் - ஓட்டுக்கு நோட்டு வாங்காதீர்கள்' உள்ளிட்ட வாசகங்கள் அடங்கிய பதாகைகளுடன் பங்கேற்றனர். இதை தொடர்ந்து, ஊட்டி பஸ் ஸ்டாண்ட் பகுதியில் கையெழுத்து இயக்கம் நடத்தப்பட்டு. இதில், அரசு அதிகாரிகள், தேர்தல் பறக்கும்படை அலுவலர்கள் பலர் பங்கேற்றனர்.