தமிழக கவர்னர் ரவி, ஐந்து நாள் பயணமாக, நேற்று முன்தினம் மாலை ஊட்டி ராஜ்பவனுக்கு வந்தார். நேற்று மதியம் முதுமலை வந்து, வனத்துறை வாகனத்தில் வனப்பகுதியில் சவாரி சென்றார்.

சவாரி முடித்து, மாலை, 5:45 மணிக்கு முதுமலை தெப்பக்காடு யானைகள் முகாமுக்கு வருகை தந்தார். அங்கு சிறிது நேரம் ஓய்வெடுத்தார்.

தொடர்ந்து, 6:15 மணிக்கு வளர்ப்பு யானைகள் உணவு வைக்கப்பட்டிருந்த பகுதிக்கு வந்த கவர்னர், யானைகளுக்கு உணவு வழங்கும் முறைகள் குறித்து கேட்டறிந்தார்.

வரிசையாக நிறுத்தப்பட்டிருந்த யானைகளுக்கு, பாகன்கள் உணவு கொடுப்பதை பார்வையிட்டு, அவைகள் பராமரிப்பு குறித்து கேட்டறிந்தார்.

'ஆஸ்கார்' ஆவண படத்தில் இடம் பெற்ற யானை பாகன் பொம்மனை அழைத்து பேசினார். அப்போது, முதுமலை துணை இயக்குனர் வித்யா உட்பட சிலர் உடனிருந்தனர். தொடர்ந்து, மசினகுடி வழியாக ஊட்டி ராஜ்பவனுக்கு புறப்பட்டு சென்றார்.