குன்னுார் தேயிலை ஏல மையம் மற்றும் 'இன்கோ சர்வ்' மையத்தில் வாரந்தோறும் ஏலம் விடப்படுகிறது. தேயிலை துாளுக்கு கிடைக்கும் விலையின் அடிப்படையில், மாதந்தோறும் பசுந்தேயிலைக்கு விலை நிர்ணயம் செய்யப்படுகிறது.

இதன்படி, நீலகிரியில் சிறு தேயிலை தொழிற்சாலைகளில் உற்பத்தியாகும் தேயிலை துாளின், மே மாத ஏலத்தின் அடிப்படையில், பசுந்தேயிலைக்கான விலை, குன்னுாரில் உள்ள, தேயிலை வாரியம் சார்பில் நிர்ணயம் செய்யப்பட்டுள்ளது. இதன் அடிப்படையில், 'மே மாதத்திற்கான பசுந்தேயிலைக்கு கிலோ, 16.22 ரூபாய் விலை நிர்ணயம் செய்யப்பட்டுள்ளது,' என, தேயிலை வாரிய செயல் இயக்குனர் முத்துகுமார் அறிவித்துள்ளார்.

இதில், 'கடந்த நவ., 15.40; டிச., 15.34 ரூபாய்; ஜன., 15.04 ரூபாய்; பிப்., 14.92 ரூபாய்; மார்ச், 16.02, ஏப்.,15.76 ரூபாய்,' என, விலை நிர்ணயம் இருந்தது.