இந்நிலையில், மானந்தவாடி அருகே தலப்புலா போலீஸ் நிலைய எல்லைக்கு உட்பட்ட, வனப்பகுதியில், எஸ்.பி., பிஜூராஜ் தலைமையில் போலீசார் கடந்த இரு நாட்களாக ஆய்வு பணியில் ஈடுபட்டிருந்தனர்.

அங்கு, நக்சல்கள் தங்கியிருந்த குடில் மற்றும் சீருடைகள், பேட்டரிகள் உள்ளிட்ட பல்வேறு பொருட்கள் இருந்தது தெரியவந்தது. அங்கு வெடிகுண்டு செயலிழப்பு நிபுணர்கள் ஆய்வு செய்த பின்பு, பொருட்களை போலீசார் எடுத்தனர். மேலும், அரசுக்கு எதிராக எழுதப்பட்ட துண்டு பிரசுரங்கள் கிடைத்தன.

கேரள போலீசார் கூறுகையில், 'தமிழக - கேரள எல்லையில், நக்சல்கள் தங்கி இருந்த கூடாரங்களை போலீசார் கண்டுபிடித்ததால், அவர்கள் கர்நாடகா அல்லது தமிழக எல்லையை ஒட்டிய வனப்பகுதிக்கு செல்ல வாய்ப்புள்ளது.

'இதனால், தமிழக - கர்நாடக அதிரடிப்படை போலீசார் மற்றும் நக்சல் தடுப்பு பிரிவு போலீசாருக்கு தகவல் தெரிவிக்கப்பட்டுள்ளது. அவர்கள் கண்காணிப்பு பணியில் ஈடுபட்டு உள்ளனர்' என்றனர்.