குன்னுார் தேயிலை ஏல மையத்தில், கடந்த வாரம் நடந்த, 8வது ஏலத்தில், '13.12 லட்சம் கிலோ இலை ரகம்; 3.69 லட்சம் கிலோ டஸ்ட் ரகம்,' என, மொத்தம், 16.81 லட்சம் கிலோ ஏலத்திற்கு வந்தது.

'11.77 லட்சம் கிலோ இலை ரகம்; 3.55 டஸ்ட் ரகம்,' என, மொத்தம், 15.32 லட்சம் கிலோ விற்பனையானது. சராசரி விலை கிலோவிற்கு, 119.94 ரூபாய் என இருந்தது. கிலோவிற்கு, 2 ரூபாய் வீதம் வீழ்ச்சி கண்டது. மொத்த வருமானம், 18.83 கோடி ரூபாய் கிடைத்தது.

நீலகிரி, கூட்டுறவு தொழிற்சாலைகளில் உற்பத்தி செய்யும் தேயிலை துாள், 'டீசர்வ்' மையத்தில் ஏலம் விடப்படும் நிலையில், 8வது ஏலத்திற்கு, 1.08 லட்சம் கிலோ விற்பனைக்கு வந்தது; 1.04 லட்சம் கிலோ விற்பனையானது. சராசரி விலை கிலோவிற்கு, 119.90. ரூபாயாக இருந்தது. கிலோவுக்கு ஒரு ரூபாய் உயர்ந்தது. 1.25 கோடி ரூபாய் மொத்த வருமானம் கிடைத்தது. இரு ஏல மையங்களில் சேர்த்து, 20.08 கோடி ரூபாய் மொத்த வருமானம் கிடைத்தது.

அதேபோல, கோவையில் நடந்த ஏலத்தில், 4.58 லட்சம் கிலோ விற்பனைக்கு வந்ததில், 3.84 லட்சம் கிலோ விற்பனையானது. சராசரி விலை, 141.84 ரூபாய் என இருந்தது.

கொச்சி ஏல மையத்தில், 9.84 லட்சம் கிலோ விற்பனைக்கு வந்ததில், 8.04 லட்சம் கிலோ விற்பனையானது. சராசரி விலை கிலோவுக்கு, 170.82 ரூபாய் என இருந்தது. கடந்த வாரத்தை விட வரத்து மற்றும் விற்பனை அதிகரித்தது.