குன்னுார் மவுண்ட் ரோடு பகுதியை சேர்ந்தவர் மோதிலால். அளக்கரை சாலை அருகே உள்ள இவரின் தேயிலை தோட்டத்தின் கேட் திருடப்பட்டு செல்வதாக அங்குள்ள தொழிலாளர்கள் தகவல் அளித்தனர்.

இதன் பேரில், வெலிங்டன் போலீசார் அங்கு சென்று இருவரிடம் விசாரணை நடத்தி 'பிக்--அப்' வாகனத்தில் ஏற்றிய இரும்பு கேட்களை பறிமுதல் செய்தனர்.

விசாரணையில் அவர்கள், அரவேணு பகுதியை சேர்ந்த பிரகாஷ்.30, நாமக்கல் குமாரபாளையம் பகுதி சேர்ந்த ராஜு,33, என்பது தெரிய வந்தது. இருவரும் கைது செய்யப்பட்டு சிறையில் அடைக்கப்பட்டனர்.