கோத்தகிரி சக்தி மலை அருள்மிகு வெற்றிவேல் முருகன் கோவிலில், வைகாசி விசாக சிறப்பு பூஜை நடந்தது. அவிநாசி ஆதினம் தவத்திரு காமாட்சி தாசர் சுவாமிகள் சிறப்பு அழைப்பாளராக பங்கேற்றார்.

காலை, 8:00 மணிக்கு, டானிங்டன் ஸ்ரீ மகா சக்தி கணபதி கோவிலில் இருந்து, மேளதாளத்துடன், 108 தீர்த்த காவடி மற்றும் பால் காவடி ஊர்வலம் நடந்தது.

காலை, 11:00 மணிக்கு, முருகப்பெருமானுக்கு சிறப்பு அபிஷேகம், மகா தீபாராதனை நடந்தது.

அர்ச்சகர்கள் ஈசான பட்டி விநாயகர் சிவம் மற்றும் வாமதேவ முருகேஷ் சிவம் ஆகியோர், பூஜைகளை நடத்தினர். தொடர்ந்து, பகல், 2:00 மணிக்கு, பக்தர்களுக்கு அன்னதானம் வழங்கப்பட்டது.

விழாவில், சக்தி சிவ சங்க தலைவர் போஜராஜன், சேவா சங்க உறுப்பினர்கள் மற்றும் ஆன்மிக பெரியோர்கள் உட்பட, கோத்தகிரி சுற்றுவட்டார பகுதிகளில் இருந்து, திரளான பக்தர்கள் பங்கேற்று, சுவாமி தரிசனம் செய்தனர்.