குன்னுார் பாய்ஸ்கம்பெனி அருகே உள்ள வேளாங்கண்ணி மாதா திருத்தலத்தில், புனித ஆரோக்கிய அன்னையின் பிறந்தநாள் திருவிழா கடந்த, 28ம் தேதி கொடியேற்றத்துடன் துவங்கியது.

தொடர்ந்து, தினமும் நவநாள் திருப்பலி, மறையுரை நடந்தது. நேற்று நடந்த அன்னையின் பிறந்த நாள் விழா சிறப்பு திருப்பலி ஊட்டி மறைமாவட்ட ஆயர் அமல்ராஜ் தலைமையில் நடந்தது.

மாலை, 5:00 மணிக்கு குன்னுார் மறைமாவட்ட முதன்மை குரு அந்தோணிசாமி, மவுன்ட் பிளசன்ட் புனித சகாய மாதா ஆலய பங்குதந்தை ஆல்பர்ட் செல்வராஜ் தலைமையில், சிறப்பு திருப்பலி, மறையுரை நடந்தது. தொடர்ந்து, ஆடம்பர தேர்பவனி நடந்தது. திரளான மக்கள் பங்கேற்றனர். ஏற்பாடுகளை பங்கு தந்தை ஆரோக்கியராஜ் தலைமையில் பங்கு மக்கள் செய்தனர்.