ஊட்டி பஸ் ஸ்டாண்ட் முதல் பிங்கர்போஸ்ட் பகுதி வரையிலான சாலையில், இரவில் பெரும்பாலான தெருவிளக்குகள் எரிவதில்லை. இதனால், மழை காலத்தில் இரவில் வாகனம் இயக்கி வருபவர்கள் சிரமப்பட வேண்டி உள்ளது.

குறிப்பாக, இரு சக்கர வாகனத்தில் வருபவர்கள் சாலையில் உள்ள குழியில் விழும் அபாயம் ஏற்படுகிறது. சுற்றுலா பயணிகளும் பாதிக்கப்படுகின்றனர். எனவே, நகராட்சி நிர்வாகம் ஆய்வு செய்து, இந்த சாலையில் எரியாத விளக்குகளை பழுது பார்க்க நடவடிக்கை எடுக்க வேண்டும்.