மத்திய அரசின் பாதுகாப்பு துறையின் கீழ் இயங்கும் நிறுவனங்கள் மற்றும் தொழிற்சாலைகளில் ஜே.சி.எம்., உயர்மட்ட குழுக்களை அமைக்க, உறுப்பினர்கள் ரகசிய ஓட்டெடுப்பு நடத்த உத்தரவிடப்பட்டது. இதன்படி, குன்னுார் அருகே அருவங்காடு வெடிமருந்து தொழிற்சாலையில் தேர்தல் நடத்தப்பட்டது.

இதில், அங்கீகரிக்கப்பட்ட, 3 சம்மேளனங்களின் கீழ் உள்ள தொழிற்சங்கங்கள் போட்டியிட்டன. ஐ.என்.டி.டபிள்யூ., -என்.இ.யு., சங்கங்கள்; பி.பி.எம்.எஸ்., -டி.எப்.எல்.யு., சங்கங்கள்; ஏ.ஐ.டி.இ.எப்., -சி.எப்.எல்.யு., சங்கங்கள், 3 குழுவாக போட்டியிட்டன. கடந்த வாரம் நடந்த தேர்தலில், 1,040 தொழிலாளர்கள் ஓட்டளித்தனர்.

தொடர்ந்து வாக்கு பெட்டிகள் சீல் வைக்கப்பட்டு பாதுகாப்புடன் வைக்கப்பட்டது. நேற்று முன்தினம் பெட்டிகள் திறக்கப்பட்டு ஓட்டுகள் எண்ணப்பட்டன.

அதில், என்.இ.யு., 415; சி.எப்.எல்.யு., 372; டி.எப்.எல்.யு., 242 ஓட்டுக்கள் பெற்றன. என்.இ.யு., வெற்றி பெற்றதை தொடர்ந்து தொழிலாளர்கள் கொண்டாட்டத்தில் ஈடுபட்டனர்.

கடந்த, 2010 ஆண்டுக்கு பிறகு தற்போது தேர்தல் நடந்துள்ளது குறிப்பிடத்தக்கது.