ஊட்டி - குன்னுார் இடையே தினமும் தலா, நான்கு முறை மலை ரயில் இயக்கப்படுகிறது.

ஆயுத பூஜை தொடர் விடுமுறையை ஒட்டி, ரயில்வே நிர்வாகம் சார்பில் நேற்று காலை 8:20 மணிக்கு குன்னுாரில் இருந்து ஊட்டிக்கு சிறப்பு மலை ரயில் இயக்கம் துவங்கியது. ஊட்டியில் இருந்து மாலை, 4:45 மணிக்கு குன்னுாருக்கும் இந்த ரயில் இயக்கப்பட்டது.

இதேபோல், ஊட்டி - கேத்தி இடையே 'ரவுண்ட் டிரிப் ஜாய் டிரைன்' எனப்படும் சுற்று ரயில், காலை 9:45, 11:35, மாலை 3:00 மணி என, மூன்று முறை இயக்கப்பட்டது. இன்றும் இந்த சிறப்பு ரயில் இயக்கப்படுகிறது. தீபாவளிக்கு பின், நவ 2, 3ம் தேதிகளில் இந்த சிறப்பு ரயில்கள் இயங்குகிறது.

இந்நிலையில், கடந்த ஆண்டுகளில் இயக்கப்பட்ட மேட்டுப்பாளையம் - ஊட்டி சிறப்பு மலை ரயிலை மீண்டும் இயக்க சுற்றுலா பயணியர் கோரிக்கை விடுத்தனர்.