பூ குண்டம் விழாவை முன்னிட்டு, உபயதாரர்களின் பங்களிப்புடன், நாள்தோறும் அம்மனுக்கு, ஆராதனை, அபிஷேகம், மலர் அலங்கார வழிபாடு நடந்து வருகிறது.

இவ்விழாவின், 5ம் நாளான நேற்று காலை, 9:00 மணிக்கு, சிறப்பு அலங்காரத்தில் அவதரித்த அம்மனுக்கு, அபிஷேக பூஜையும், பகல், 12:00 மணிக்கு, அலங்கார ஆராதனை பூஜையும் நடந்தது. தொடர்ந்து, பக்தர்களுக்கு பிரசாதம் வழங்கப்பட்டது. நிகழ்ச்சியில், கோத்தகிரி வட்டாரத்தில் பல்வேறு பகுதிகளில் இருந்து, திரளான பக்தர்கள் பங்கேற்று சுவாமி தரிசனம் செய்தனர். ஏற்பாடுகளை, திருக்கோவில் அறங்காவலர்கள், விழா குழுவினர் செய்திருந்தனர்.