பாதுகாப்பு நடவடிக்கை

அதன்படி , இடி சத்தம் கேட்டவுடன் வெளிப்புற செயல்பாடுகளை உடனே நிறுத்த வேண்டும். உடனடியாக ஒரு பாதுகாப்பான கட்டடம் அல்லது மூடப்பட்ட வாகனத்திற்கு செல்ல வேண்டும். திறந்த பகுதிகளை விட்டு விலக வேண்டும். குழந்தைகள் , முதியோர்கள் , கர்ப்பிணி பெண்கள் மற்றும் மாற்றுத்திறனாளிகளை பாதுகாப்பான இடத்திற்கு அழைத்து செல்ல வேண்டும். இறுதி இடி முழக்கத்திலிருந்து , 30 நிமிடங்கள் ஆகும் வரை வீட்டிற்குள் இருக்க வேண்டும்.

மேலும் , மரத்தின் அடியில் அல்லது அருகில் நிற்க வேண்டாம். பேருந்து நிறுத்தங்கள் , கொட்டகைகள் , தகரக் கூரை அமைப்புகள் மற்றும் திறந்தவெளி கூடாரங்களை தவிர்க்க வேண்டும். நீர் நிலைகளில் இருந்து விலகி இருக்க வேண்டும். உலோக வேலிகள் , கம்பங்கள் மற்றும் மின் கம்பிகளில் இருந்து விலகி இருக்க வேண்டும்.

இடைவெளி அவசியம்

தவிர , தங்குமிடம் கிடைக்காவிட்டால் கால்களை ஒன்றாக வைத்து குனிந்து அமர வேண்டும். தரையை தொடுவதை தவிர்க்கவும். தரையில் மல்லாந்து படுக்காதீர்கள். கைகளை தரையில் வைக்காதீர்கள் , குழுவாக இருந்தால் இடைவெளி விட்டு நிற்க வேண்டும். செல்லப் பிராணிகளை வீட்டுக்குள் உலோக சங்கிலியால் கட்டுவதை தவிர்க்கவும்.

கலெக்டர் லட்சுமி பவ்யா கூறுகையில் , மாவட்டத்தில் தென்மேற்கு பருவமழை பெய்து வருவதால் பொதுமக்கள் உரிய முன்னெச்சரிக்கையுடன் இருக்க பாதுகாப்பு வழிமுறைகளை தவறாமல் கடைப்பிடிக்க வேண்டும். பேரிடர் நேரிட்டால் உடனே அருகில் உள்ள வருவாய்த் துறையினரை அணுகி தகவல் தெரிவிக்க வேண்டும். என்றார்