அதிகாலையில் வெளுத்து வாங்கிய மழை: விழுந்த மரங்களை அதற்றிய தீயணைப்பு படையினர்
அதிகாலையில் வெளுத்து வாங்கிய மழை: விழுந்த மரங்களை அதற்றிய தீயணைப்பு படையினர்
UPDATED : அக் 08, 2026 07:20 PM
ADDED : அக் 08, 2026 06:06 PM

குன்னுார்: குன்னுாரில் அதிகாலையில் பெய்த மழையால் விழுந்த மரங்களை தீயணைப்பு துறையினர் அகற்றினர்.
குன்னுார் மற்றும் அதன் சுற்றுவட்டார பகுதிகளில் பலத்த காற்றுடன் நேற்று அதிகாலையில் கனமழை கொட்டி தீர்த்தது. இதன் காரணமாக, அப்பர் குன்னுார், சப்ளை டிப்போ பகுதி, காந்திபுரம் ஆகிய இடங்களில் மரங்கள் முறிந்து சாலையின் குறுக்கே விழுந்தன. இதனால், அப்பகுதிகளில் போக்குவரத்து முற்றிலுமாக பாதிக்கப்பட்டன. சில இடங்களில் மின்கம்பங்கள் மீதும் மரங்கள் சாய்ந்தன.
குன்னுார் தீயணைப்பு மற்றும் மீட்பு பணிகள் துறையினர், கொட்டும் மழையையும் பொருட்படுத்தாமல் மீட்பு பணியில் இறங்கினர். நவீன மர அறுவை இயந்திரங்கள் கொண்டு சாலையின் குறுக்கே விழுந்து கிடந்த மரங்கள் மற்றும் கிளைகளை வெட்டி அப்புறப்படுத்தினர். தொடர்ந்து காலை வெயிலான காலநிலை நிலவியது.
