கூடலூர்: கூடலூர், தேவர்சோலை அருகே, காட்டு யானைகள் வாழை மரங்களை சேதப்படுத்தி நஷ்டத்தை ஏற்படுத்திய சம்பவத்தில், மனமுடைந்த விவசாயி தற்கொலை செய்து கொண்டார். கூடலூர், தேவர்சோலை 3 டிவிசன் பகுதியை சேர்ந்தவர் ரமேஷ், 30. இவர் நேந்திரன் வாழை விவசாயம் செய்திருந்தார். சமீபத்தில், அவரின் வாழைத் தோட்டத்தில் நுழைந்த காட்டு யானைகள், வாழை மரங்களை சேதப்படுத்தியது. இதனால் ஏற்பட்ட நஷ்டத்தை ஈடு செய்ய முடியாத நிலை ஏற்பட்டது. இதில், மனமுடைந்த அவர், 27ம் தேதி, விஷம் குடித்து தற்கொலை செய்ய முயன்றுள்ளார்.