கோவை மாவட்ட பார்வையிழப்பு தடுப்பு சங்கம் மற்றும் சோமனுார் லயன்ஸ் கிளப், கோவை அரவிந்த் கண் மருத்துவமனை சார்பில் இலவச கண் சிகிச்சை முகாம் சோமனுார் அரிமா சங்க வளாகத்தில் நடந்தது.

கிட்டப்பார்வை, துாரப்பார்வை, வெள்ளெழுத்து உள்ளிட்ட பரிசோதனைகள் செய்யப்பட்டு மருத்துவ ஆலோசனைகள் வழங்கப்பட்டன. கண்புரையால் பாதிக்கப்பட்டவர்களுக்கு அறுவை சிகிச்சை பரிந்துரைக்கப்பட்டது. அவர்களுக்கு அறுவை சிகிச்சை, மருந்து, லென்ஸ் உள்ளிட்டவைகள் இலவசமாக வழங்கப்பட்டன. 50 வயதுக்கு மேற்பட்டவர்களுக்கு கண்ணாடிகள் வழங்கப்பட்டன.

முகாமில் ஏராளமான மக்கள் பங்கேற்று பயன் பெற்றனர். ஒருங்கிணைப்பாளர்கள் ஆடிட்டர் முருகசாமி, ரமேஷ், லயன்ஸ் கிளப் நிர்வாகிகள் மகேஷ், ரேவதி, பார்த்திபன் உள்ளிட்ட பலர் பங்கேற்றனர்.