நீலகிரி மாவட்டம், ஊட்டிக்கு நேற்று முன்தினம் நாட்டின், 46வது தலைமை நீதிபதி (ஓய்வு) மற்றும் ராஜ்யசபா எம்.பி., யான ரஞ்சன் கோகோய் வருகை தந்தார். ஊட்டி, ஜே.எஸ்.எஸ்., பள்ளி நிகழ்ச்சியில் பங்கேற்றார்.

நேற்று பகல், 12:15 மணிக்கு, ஊட்டியில் இருந்து குன்னுாருக்கு, சுற்றுலா பயணிகளுடன் புறப்பட்ட மலைரயிலில், அவர் குடும்பத்தினருடன் பயணம் மேற்கொண்டார். மதியம், 1:20 மணிக்கு குன்னுார் வந்த அவர், 'ஹைபீல்டு' பகுதியில் உள்ள தனியார் உணவு விடுதிக்கு சென்று, உணவு உட்கொண்ட பின், காரில் ஊட்டிக்கு சென்றார். இவர் வருகையை ஒட்டி, குன்னுார், ஊட்டி பகுதிகளில் பலத்த போலீஸ் பாதுகாப்பு போடப்பட்டது.