இந்நிலையில், நேற்று காலை, நகரின் பல்வேறு பகுதிகளில் உறைபனி தென்பட்டது. குறிப்பாக, காந்தள், தலைக்குந்தா, எச்.பி.எப்., சூட்டிங் மட்டம் உள்ளிட்ட பகுதி புல்வெளிகளில் உறைபனி தென்பட்டது. பகல் நேரத்தில் மிதமான காலநிலை நிலவியது.

இதனால், ஊட்டியில் நேற்று அதிகபட்சம், 19 டிகிரி, குறைந்தபட்சம், 5 டிகிரி செல்ஷியஸ் வெப்பநிலை பதிவாகி இருந்தது. பனியின் தாக்கத்தால் காலை நேரங்களில் கடும் குளிர் நிலவியது. தேயிலை தோட்டம், மலை காய்கறி தோட்டங்களுக்கு பணிக்கு செல்பவர்கள் பாதிக்கப்பட்டனர்.

மறுபுறம், தேயிலை செடிகள், மலை காய்கறிகளை பாதுகாக்கும் நடவடிக்கைகளில் விவசாயிகள் ஈடுபட துவங்கியுள்ளனர். அரசு தாவரவியல் பூங்காவில் மலர் செடிகள் பாதிக்காமல் இருக்கவும் தேவையான நடவடிக்கைகளை பூங்கா நிர்வாகம் எடுத்துள்ளது.