ஊட்டி: நீலகிரி மாவட்டம் ஊட்டியில் நேற்று காலை, 11:30 மணி அளவில் கன மழை பெய்தது. ஒரு மணி நேரம் நீடித்த மழைக்கு, ஊட்டி நகராட்சி மார்க்கெட் பகுதியில் மழை நீர் சூழ்ந்தது. கடைகளுக்குள் தண்ணீர் புகுந்ததால் பொருட்களை வாங்க வந்த மக்கள் பாதிக்கப்பட்டனர். மழை ஓய்ந்த பின் வியாபாரிகள் தண்ணீரை வெளியேற்றினர். ஊட்டி பஸ் ஸ்டாண்ட், ரயில் நிலையம் பாலம் அடியில் சூழ்ந்த மழை நீரில் சுற்றுலா வாகனங்கள் சிக்கி கொண்டது. படகு இல்ல சாலையில் போக்குவரத்து நெரிசல் ஏற்பட்டது.