குன்னூர்:நீலகிரி மாவட்டம், குன்னூரில், நிறுவனங்கள், வீடுகளில் திடீரென தீ விபத்து ஏற்பட்டால், அங்கிருப்பவர்களை உடனடியாக தீயை அணைக்கும் வகையில், 2 நாட்கள் சிறப்பு விழிப்புணர்வு முகாம் மற்றும் செயல் விளக்கம் நடந்தது. குன்னூர் தீயணைப்பு நிலைய அலுவலர் தட்சிணாமூர்த்தி தலைமையில் நடந்த இந்த முகாமில், தீ விபத்து ஏற்படும் போது பதற்றமின்றி சமயோசிதமாக செயல்படுவது; தீயை தடுத்து கட்டுப்படுத்துவது முன்னெச்சரிக்கை நடவடிக்கைகள் குறித்து விளக்கப்பட்டது.