மேட்டுப்பாளையம்: கோவை மாவட்டம், மேட்டுப்பாளையத்தில், பா.ஜ., தேர்தல் பணிமனை அலுவலகத்தை, நீலகிரி தொகுதி வேட்பாளரும், மத்திய இணை அமைச்சருமான எல்.முருகன் திறந்து வைத்து, நிருபர்களிடம் கூறியதாவது: கச்சத்தீவு விவகாரம் அனைத்தும், கருணாநிதி ஒப்புதலுடன் தான் நடந்துள்ளது. கச்சத்தீவை இலங்கைக்கு தாரை வார்க்க, சென்னையில் நடந்த உயர்மட்ட கூட்டத்தில், அப்போதைய தமிழக தலைமை செயலாளர், மத்திய வெளியுறவுத் துறை அமைச்சர், செயலாளர், இலங்கை வெளியுறவுத்துறை அமைச்சர் உள்ளிட்ட அனைவரும் பங்கேற்றுள்ளனர். அப்போதைய முதல்வர் கருணாநிதி மற்றும் தலைமை செயலாளர் ஒப்புதலுடன் தான், கச்சத்தீவு தாரைவார்க்கப்பட்டது.