குன்னுார் ரெய்லி காம்பவுண்ட் பகுதியில், துாய்மை பணியாளர்கள் வீடுகள் தோறும் சென்று குப்பைகளை வாங்கி சேகரித்து, ஒரே இடத்தில் வைக்கின்றனர். அங்கு வரும் குப்பை லாரியில் ஏற்றி ஓட்டுப்பட்டறை குப்பை கிடங்கிற்கு அனுப்பப்படுகிறது.

இந்நிலையில், சமீப காலமாக இப்பகுதிகளில் குரங்குகள் தொல்லை அதிகரித்து, அவை குப்பைகளை கிளறி விட்டு செல்வதால் சுற்றுப்புற சுகாதாரம் பாதிக்கிறது.

எனவே, இப்பகுதிகளில் குரங்கு தொல்லைக்கு தீர்வு காணும் வகையில், வனத்துறையினர் கூண்டு வைத்து பிடித்து அடர்ந்த வனப்பகுதிக்கு கொண்டு சென்று விட வேண்டும்.